يوم انا لك زرع والمنظر صفالك

هي رداة الحظ ولاّ نيّتك

يامزون الغيث منك الزرع هالك

تحجبين الشمس عني بفيّتك

تحبسين الماء ويذبحني ظلالك

علميني وش هدفْك بْجيّتك؟!!

ايه احبك وارتجي لحظة وصالك

وقلبي الميّت يناظر ميّتك

أنتظر مدّك وأَسْتصعب زوالك

دايم احسن لك واعدّي سيّتك

وانتي لو أستسقي بْروحي زلالك

تغلب القسوة على حنيّتك

تمطر مزونك على بعض الممالك

وينكتب أصير منك ميّتك

ليتني قبل انّي أرثيني لحالك

كاتبٍ في دنيتي مرثيّتك