صار لك مدة تعنيني وانا

اتحمل منك أصناف العذاب

بعدما ذوقتني طعم الهنا

بعدما قلبي تعلق بك وذاب

بعدما شيدت لك أعظم بنا

وانفتح لك داخله عشرين باب

تقلط وتدني وغيرك ما دنا

يطرق ابوابي ولا يلقى جواب

بعدها علمتني (وش هو العنا)

مثلما علمتني فن العتاب

يا أمل مسجون يا أغلى المنى

لي متى تجلدني بسوط الغياب؟!

لاتعلقني ترى حالي فنى

والأمل في ناظري أصبح سراب

ياتجي وتقول لي (نحن هنا)

أو تغيب ويعتبر منك انسحاب

صح انا بفقدك ياظل وسنا

لكن أهْون من حياة الارتياب

مايذل الفقر من بعد الغنى

وماتخوفني متاهات الحساب

بس اخاف الوقت تدميه الأنا

وتصرخ الآهات من قلبٍ مصاب

يا سما يا روض يانبت وجنى

الحياة بدونك انواع العذاب