هاضت هجوس الضمير وقمت اسلسلها

ارتب اوراقها واراجع الماضي

عبرت ما قلت في صدري واسجلها

واختار للمستمع حلوات الالفاضي

اراقب نجوم ليلي واتمقلها

واخيل برق من القبله ليا ناضي

باسباب دنيا كثيرات مشاكلها

لو تفهم الناس ما تحتاج للقاضي

الرفقه اللي عجزت اصبر وأجاملها

اصبر واجامل واسامح واعرض اعراضي

صبرت مرة ومره ما تحملها

وانا على غلطة الاصحاب متغاضي

والرفقة اللي كذا ودي نكنسلها

صداقةي للاسف صارت على الفاضي

صداقته مستعد انه يبدلها

ورفقه مصالح لاجل تحقيق الاغراضي

وعوجان بعض البشر صعب تعدلها

وفي المجتمع من يعلاج بعض الامراضي

ابعد ديارك بعيد ولاتعاملها

خلك بعيد وقنوع بعيشتك راضي

خلك مع اللي رفيعات منازلها

اللي تسرك ليا من حضك الحاضي

والكلمة اللي تجول بخاطرك قلها

ولا تكتم الغيض في صدرك وتغتاضي

يا سامع القول ما ودي نطوّلها

ابا ختصر والهروج طوال واعراضي