كل ما سجيت منك يراودني غلاك

دايم صورة خيالك معي صبح وليل

ليه خليت المولع معذب في هواك

وانت تدري في محبتك يا ضاف الجديل

لا وصفتك ما تكفيك لو قلنا ملاك

في البشر ما فيه مثلك شبيه ولا مثيل

ولا ذبحني كون نظره وضحكه من شفاك

اوليا صديت واغضبت بالطرف الكحيل

مع جديل فوق الارداف ضاف من وراك

مستحيل اقول هذا جديلك مستحيل

يا جميل جملك والي العرش وعطاك

من جماله جملك من جماله يا جميل

ولو يطول الوقت قلب المولع ما نساك

وما لقاله في مواجهك يالغالي سبيل

حيث بد الناس شافك وحبك واشتراك

اشتري حبك ولا حب في حبك بديل

لين صار الهايم اللي نسي نفسه وجاك

وحطلك بين المعاليق والخافق دليل

صرت له يا مدمج الساق قصة واهتواك

لين خفيته وهو كان من الاول ثقيل

واعتبرني شيء طاري واخذني في سماك

وارحم اللي مولع بك وطاويه الطويل