مزيونة من قدمها لين مفرعها

وشلون رب الملا يا سعود سواها

يا سعود لا من مشت ما احلى تهزعها

تمشي وكنها تحسب القاع بخطاها

تاخذ عقول البشر ما احلى تدلعها

بعيونها السود وإلا ابيض محياها

جتني وقلت القصيدة جاك مطلعها

يا سعود من شانها سويت مبداها

ودي ليا قلتها عندي وتسمعها

لا شك قفت ولا ادري وش نواياها

وادعتها واصعب اللحظه موادعها

لحظه موادع حلايا الريم ما اقواها

الفكر معها وقلي تلته معها

والله لو باتناسا ما تناساها

ورجعت أكمل قصيدتها واراجعها

ارتب بيوتها واعدل اخطاها

وصعب القوافي بحضرتها انطوعها

وفي صفحة الملتقى من شأن تقراها