هز قلبي هز غصن تقفته الهبوب

كل ما هزه قوي الهوى الصلف اشلعه

او عرض له جارف السبل من عال الدروب

لانحدر من عالي الضلع والعرق اقطعه

قامت أفكاري توارد على من كل صوب

مر أجر الصوت واطي ومرن ارفعه

مر تأتي من شمالي ومرن من جنوب

الوكاد انها جميع الجهات الأربعة

وان بغيت النوم كنى على النوم امغصوب

مر اكسر ما مضالي ومرن اجمعه

من صلاة الصبح الأول إلى وقت الغروب

البشر ترقد ونا ضايع في المعمعه

من عناء وقت يغير قويات القلوب

اختلف ممشا البشر فيه بالحقد ومعه

والرفيق اللي نعده رفيق ومحسوب

اختلف مبداه واخلف طريقه واسنعه

والفقير ان جاء هل المال حطوا به عيوب

لوه يصيح بعالي الصوت ما احد يسمعه

لوه طيب بين ربعه ورجال محبوب

لو رزقه في يدي بعضهم كان إمنعه

لو تقول العيب في الوقت قالوا كذوب

قالوا ان طاعك زمانك كذا والا طعه

اعرف ان الثلج في الشمس لا بده يذوب

وتنكشف كل الحقايق وتكشف الاقنعه