لا غاب صوتك خيالك ما يفارقني

صورتك خيالك ببالي ما تعداني

اسهر مع الليل والهاجوس يسرقني

اعد ساعات طوال الليل وحداني

كن السهر لي صديقي لي مرافقني

اعد نجم سري واحد وراء الثاني

افرح لياجيت وافراقك يضايقني

يا مهجت الروح جاني منك ما اكفاني

اسمك ليا من نطقته خطر يشرقني

لانك هوا البال ومرادي ووجداني

من اولي كنت في وصلك موافقني

واليوم اشوفك تصد وصرت قوماني

ارجو تم الوصال ولا تعلقني

تم المواصل ولا تسعى بهجراني

الله يوفقك وانا الله بوفقني

رح في طريقك وانا باروح وانساني

غيرك من البيض والله ما يشوفني

ما فيه غيرك خذا عقلي وخلاني