صباح الـ ايش واللي بك يبكي ميت

صباح طعونك اللي جرحها غابر

تنفست الحزن في بزغتك ثم جيت

وجع اقسى من الخنجر على الدابر

صباح الخير:لا والله ورب البيت

صباح اعظم من الضيقه على الصابر

اخذت من الوطن جابر ولا خليت

سوى حزن القبور وأنّه القابر

عبرني موت ناسٍ غاليه ما اوحيت

سوى موته وربي ماهو بـ عابر

هتكت اعراضنا يالموت من عرّيت

مية مليون أم بـ موتت الـ جابر

وشلعت من الوجع صدري ولا بقيت

سوى نظرة يتيم ودمعة مكابر

ثكل وجه الزمن شيخ ال هلا وحييت

ثكل من هو فرش كفه لنا وثابر

يغيض الفقر (جابر) ليا طريت

لانه خلْق واسمه ( للفقر جابر )

تعزيني الحروف بـ دفتري واضيت

تلابيب القلم لين انتثر حابر

بكيت من الالم يالين ما اسقيت

معاليق الورق من دمعي السابر

هنا واللي خلق هـ الكون من قفيت

وانا آعزي الكويت ب دمعة مكابر

الموت حق:ولكن الموت ياكويت

(من بعد جابر من لنا اليوم جابر)