يالساعد المكسور وش فايدة الايد

دام الحمل لا ثقل قل المساعد

لذا سواعد ربعك ان مابها فيد

سوّ لظروفك من ظروفك سواعد

تعرف بنفسك تلاقي بها سيد

ماعبّده سيّد ولا طاح صاعد

شذ بقواعد فكرك لما ورى البيد

عشان تصنع من شذوذك قواعد

شفني مليت أبكالمسارح اناشيد

لين امتلت مني صدور المقاعد

مع أن وجه الشعر مملي تجاعيد

لكن وقاره كل ماهو تجاعد

ياسيّده من خلف باب السنه عيد

والعيد دمعه في عيون الشماعد

وأنا آخف ابكيك ثم تمسح الايد

مكانك اللي وسط الأهداب قاعد

كن الحنايا للجروح العرابيد

حانه ونادلها عويدٍ تقاعد

شفت الفقر وشلون قاسي على عويد

هذا الوصل لا مات بارض التباعد

لذا عشان الحب يافارع الجيد

لاشفت كفي من فراقك تراعد

لاتنتظرني في طريق المواعيد

ما دام مابه شوق ليه انتواعد