قبل العتاب ،يفل باب الزرايا

بهديك بيتٍ زفته عصفت الهوج

دخيل غدرك لاجرحت النوايا

ترخي رماح الكحل لا قندّل الروج

ملجم:، على بيض النوايا , مطايا

وغدرك: على حدب المعاليق مسروج

وعوج الضلوع تأن شبنا وصايا

وجرد الحناجر يمك تنوح : (غنوج)

ماقلت لك روح وخل الحنايا

خل الحنايا تشكي العوج للعوج

وش رجعك لضلوع صدر(ن) عرايا

مايكفى ان الصدر بيديك مسهوج

بذمتك:وبجاه رب البرايا

كم عدة اذاني علشانك هروج

وكم مره : لعينك قهرت المنايا

ودحرت من حزني عشانك 100 فوج

وقفت ادوّر ضحكتي فالمرايا

وما شفت غير الجرج في وجهيّ ايدوج

لو كان ذنبي ما لفيتك عطايا

الذنب ذنبك يوم سموك عمهوج

لكن على الله ياحميد السجايا

تهديني افراقك على طفحت الموج

ذبحت في :صدري سمان الحكايا

وهذا سكاكينك على منحر العوج

لكن قبل ترحل بعين الخفايا

اسمع بقايا اخري في ديالوج

كنت :احسب انها ما تجور الخطايا

الين جرت وضاقت بعيني افجوج

الله يسوّد (وجه بيض النوايا)

اللي رمتني بين جاهل ومرجوج