سنين ما ادري وين قلبي من الحب

تاهت بي اسئلتي على كف حيران

مرات الاقي بي من الحب كم قلب

ومرات ما القابي سوى كومة احزان

تبت يديني والتعب ما بعد تب

للحين يطعني وانا اصيح يافلان

اذبح غيابات الوطن واسئل الترب

من وين بـ لقاني وانا مالي اوطان

وأقوم امشيني على حافر الدرب

واتعثّر بـ تنهيد وانوح تعبان

يا لوّ فيني حيل ماصحت لك هب

ياحزن في صدري من العام نعسان

ومن باب صدفه جيتي بـ قلبك الصب

تروين قلبٍ ماروى غير عطشان

تدرين لوما كنتي لـ قلبي الحب

استغفر الله ما تشوفيني انسان