البارحه
ضاقت مسافاتي ظما
وتناثرت أتعاب
والبارحه
دنيا اخذلتني وللجروح أسباب
والبارحه
كانت أمانينا خشب
والباب ذات الباب
موصد على حلم الحياة
اللي تهاوى وشاب
ما ادري تغير وجهي الأصفر
أو شوّهته أهداب
البارحه
ساكن على رمش المواجع
حلم بنت وشاب
ذابوا على أطراف السهر
وتكسرت أطياب
يا ريحة الجرح القديم الممتلئ
تجريح،هم ،عتاب
والبارحه
على حد الألم
لي ضاع حلم وغاب
واتفطرت من حزن لوعات الليالي
دمعة المحراب
والبارحه
كانت مدينتنا وطن
وأحلامنا تنساب
والبارحه
صارت حقيقتنا حزن
وتفّرقوا أحباب
مدري اش علاقة
هالمدن بالواقع الكذاب؟
البارحه
طافت على روحي
غناوي ،واحتمالات،ورمل ،وتراب
والليل
مُتعب
والهموم أسراب
كنها الطيور اللي ارجعت
تندب حظوظ أغراب
البارحه
دارت مواني دنيتي
وتبدّلوا أصحاب
والبارحه
الليل كان أبيض
وأنا على رف الزوايا كتاب
أول حروفه دمعتي
وآخر جراحه
غياب
البارحه ..