بعض المدن تاخذك للحب من غير

شرط القبول اللي يدمّر مشاعرك

تاتي جذيه كالسحر تاخذك وتطير

من حسنها بالطيب تسحرك تسحرك

وهاذي المدينة صدق وبغير تفكير

تحبها لله وبالفعل تأسرك

للأمكنة أرشيف معروف وكثير

ضاعت مدن من بعد ما طاولت فُلك

أسري إلى الدوحه وأشواقي تثير

في داخلي إحساس إنها تدلّلك

هي المدينة الحلم،هي دوحة الخير

تركض لها مشتاق تحجزتذاكرك

في ذمتي والله من غير أوغير

بعض الأمور اللي توقّع تعطّلك

تلقى الخطاوي البيض تاخذك وتسير

لَقرب مطار وأقرب جناح يحملك

أشوف فيها العينداري ولمثير

إنها شرات العين بالحب تبهرك

والله أحبها حب وأشتاق وآغير

من عطرها،من وردها،وخامر المسك

ولا أعرف أفسّرها ولا أفهم تفاسير

ولا أجامل تلك،أوتلك،أوتلك

أحب قطر لله كِن زايد الخير

قال الوطن هذا شروات موطنك