عزف نبضي على ألحانه وغنى الماضي وأوراقه

ونادى الصمت ترحاله ذرف دمعه وسط عيني

يا حسٍ ماخذٍ قلبي مسافر تارك أشواقه

فراشٍ طايرٍ يملي وجودي وحاير فيني

سوالف أمسنا الماضي تزيد الشوق وحراقه

وصوت أنفاسنا لليوم يذبحني ويحييني

في كل ضي ألمح ظلاله ويتوه ظلالي باعناقه

والاقي رمشي متشابك برمش الحلم وناسيني

في كل ليلة تنوح وسادتي تشكي من فراقه

وأحس دموعها اكثر من دموعي وتواسيني

يا صبح العمر ضاعت شمسه وتاهت عن إشراقه

سحابة هجر غطتنا متى بس غيثها يجيني

بشوفه يكتمل قَمري وأطول نجوم بآفاقه

يلوّن دنيتي بالحب والإحساس يمليني

عيونه مملكة حبي لي قصورٍ في أعماقه

لي أشيائي اللي أهواها في قربه تحلى سنيني

ويبقى ظلاله بضيي وظلي تاه بعناقه

إلين المس طرف يده وأحس ادفاه بيديني