تمايل زولك قبالي وتخيلي أثر طيفك

وثار الفرح في قلبي وفي عيني الوله طافي

وشفتك قلت يا ربي عجيبة كل تواصيفك

غريب بزينك وحسنك و مثلك في البشر مافي

ويا محلاك لا سولفت أعشقها سواليفك

أعشق مزحك وجدك أعشق طيبك الوافي

مدام انت ملكت الروح تأمرني على كيفك

ولو حتى تجرّحني أحسه جرحك الشافي

ترى زهرك نبت فيني في عز شتا ك في صيفك

وأحلى شعور بالدنيا لقيته بصدرك الدافي

تمايل زولك قبالي وتخيلي أثر طيفك

اثاري زولك الغالي لقاني يوم أنا غافي