السماء اقرب من الارض البهيّه للمطر

لكن ( احْنا ) نعشقه اكثر ولو كنّا بعيد

السماء / والوصل والتبجيل وغياب النظر

مايوصل هالكفيف اللي على دربه وحيد

لاتروح ايروح كل اللي علشانك حضر

لاتجي و اتضمني ويذوب بشفاي الجليد

لاتكلّم .. تسكت الدنيا ويجتاح الحذر

وانتبه تسكت يموت الحرف مانلقى جديد

ايه لاتفرح يموت الدمع وعيوني قبر

بس لاتحزن ولانلقى بهالدنيا سعيد

لاتوقّف تاقف العالم و(يُعقد مؤتمر؟)

لاتسوي شئ .. سوّ اللي تبي من دون قيد

ويش اقول ان صار صدري (درب) والعالم عبر

والذكي يثبت ذكاه اِذَا ثبت انّه بليد

يا تحيات اللقاء والوصل وارهاق السهر

جيت لك باقول كافي..قلت لك هل من مزيد ؟

اتجاهل .. بس دون شْعور اناظر منبهر

اثبت اذعاني وانا اللي بثبت انْ قلبي عنيد

شوفتك ( عالم ) لها جيّتك ( مهدي منتظر)

والمطر كل البشر تعْشقه لو انّه بعيد