بالله بعدك ويش باقي هنا .. ويش ..؟

وانتي .. لضيقي واختناقاتي انعاش ..!

لاتساليني .. يامنى دنيتي .. ليش...؟

لا قلت لك حالي بعد غيبتك .. [ماش]

حتى ايش لوصبّرت هالقلب..حتى ايش

انا كاني ( صوره ) .. وشوفك افلاش

نعم كاني طير وانتي لي .. الريش...!

نعم كاني ( زرْع) وانتي لي .. ارشاش.!

كاني الحياهْ انتي.. مثل " لقمة العيش"

وكاني تعب .. انتي لي الحاف وافراش

بعدك حياتي .. دولةٍ مابها جيش...!!

وانا على ميل القدر .. رابط الجاش

وعصفوري اللي جنبك اخذيه بشويش.!

صونيه لاغرّد .. وردّيه لانحاش

عشّك هنا وايضا لعصفوري..اعشيش

وحنا ماصدقّنا على الله .. لنا عاش..!!

روحي بروحك..عاملي روحك شويش

لعيون منهو لا سمع (فحّتك) .. شاش

ابكي على نظرتك..والا على الطيش؟

اللي اعيشه بعدك ( ابسلم و اهواش..!)

ابكي الحنان..اللي مايدْخله تشويش.؟

والا على خفاقٍ ابيض من الشاش...!!

كلْ شئْ على حطّة يدينك ولا نيش.!!

وانا بعد ثابت .. ولافيني .. اعراش

كان عمري (قفله) وشوفتك (شيش.!)

مابين .. اقامه في غيابك .. ومطراش

كذا بغيابك لحظة..امووووت واعيش

هذا لانك لاختناقاتي .. انعاش .....!

عندي بقايا روحك ولقمة العيش..!

وهْناك صوتك وابتسامتك .. تعتاش ..!!

خلاص..طيرك في غيابك بلا ريش

ما احدٍ يبيه وْ لو يقولون بابْلاش ..!!

احْسِب خفوقي شئ..والبعد تنبيش

واثر خفوقي ابْ غيبتك..قطعة اقماش ..!!