قصيدتي قومي علشان بالي

هاتي استمارة طرقتك والبطاقه

تعالي لحالك وانا اجي لحالي

والبيت في وجهي ليضفي رواقه

ماني مطول في جواب السؤالي

طراة كلْ شئٍ ليا جاءْ ذواقه

قليل محكم في عيون الرجالي

اخير من واجد بليا لباقه

ورفيق واحد يرتكي للعضالي

اخير من عصبه تهين الصداقه

وان كثروا الصدقان في كل حالي

لازم تحامي عن حبال الصداقه

ولاكل حبل ايوردك للزلالي

بعض الحبال اتوردك للطفاقه

لنّه ليا كثرت عليك الدلالي

لابد من فنجال باير مذاقه

احدٍ ماينملْ لو تشوفه ليالي

واحدٍ ثواني ماتبا الا فراقه

والهرج فيه ادقاق وايضا جلالي

وان غاب داعي الهرج هرجك حماقه

الصقر بسبوقه ماصاد الجزالي

ماصادها الا لين تطلق سباقه

وفعل العَمَام ان طاب والا الخوالي

ماهوب رافع قدر قطّاع ساقه

ليس الفتى من قال عمّي وخالي

والا ابي والحكمه ام الاناقه

ان الفتى من قال هذي فعالي

وان شان وجه الوقت يزداد طاقه

لاتشتكي لوهي تجور الليالي

العود تظهر ريحته باحتراقه