الله يعلم حبيبي وش كبر قدرك

في خافقٍ تملكه يا مصدر الهامي

محدٍ كفو يزّعلك يا حلو و يكدّرك

في حبك الناس تخشى طبعي الحامي

من كثر ماني متيّم فيك و آقدّرك

أبكي على ما مضى دونك مّن ايامي

يطغى بك الزين من فوقك إلى حدرك

وشلون بقوى جمالك و اخفي هيامي

بين المزايين مثلك وين؟ يا ندّرك

صايم من سنين عندك بنهي صيامي

ملّيت ابي أنشد الرمّان في صدرك

متى على الله يحنّ لعاشق ٍ ظامي

و الا القوام الحلو مليت من غدّرك!

لو هو مع الثوب لا يلّمسك قدّامي

كثر الغزل معك ما يغريك و يخدّرك

لكن أنا بهمستك تتراجف اعظامي

لو به سما للحسن يسمى بها بدرك

كل العذارى نجوم و بدرك السامي

كلي أمل يوم تفهم وش كبر قدرك

قدرٍ مع مشية الأيام متنامي

يا اعظم بشر في حياتي بس لو تدرك

وش كثر احبك تجي و تقبّل اقدامي