يا شمعة عيوني ترى الجرح ما جاك

جانا على طول المدى والمسافة

كل القلوب اللي على الدين تفداك

ياللي رفعتي رايته يا عفافه

حنا معك لا خالط الغبن ممساك

نوقف على اعتاب الكفر ما نخافه

نمحي أثر كل من على الزيف عاداك

نردع مهازل فكرهم و انحرافه

منهو بهم و اهم بملايين يسواك

شعب التدني و الجهل و السخافة

هم يحصدون بنهجهم رجس و اشواك

و انتي حصدتي هالشرف بقتطافه

شوفي فرنسا بكبرها اليوم تخشاك

شوفي حجابك هزهم بختلافه

حتى الرئيس الباسل الصلب هاذاك

شفناه يواجه حشمتك برتجافه

انتي عزيزة هيبة الدين تغشاك

منتي بجسم عاري يجر التوافه

منتي بمثل من تكشف الزين وياك

جسم ٍ رخيص ٍ ناصله ثم نعافه

نلتي الصدارة بلبس الحجاب محلاك

و كل البنات العارية في الوصافة

وباقولها و الفكر ملهم بالادراك

و الحق ثابت بس نويت اعترافه

حجابك الباقي رغم أنف شيراك

و الديرة اللي ما تعرف النظافة