لا تبعدي و انتي لملقاي عطشا

لا تكابري لي بتأدية دور تطنيش

(بالتونسي) إحنا نحب بعض (برشا)

من دون حبنا يوم ما نقدر نعيش

ممشا الهجر يا بنت ما هو بممشا

تلقين فيه الخير خلّك من الطيش

قلبك مثل قلبي به الطيب يغشا

و آنا أحبك موت لا تسألي ليش

مقدر أجاوب لك و لا آصيغ إنشا

حبك لي اغلى حيل من لقمة العيش

دامك معي محدٍ من الناس أخشا

رجلٍ غديتي له بيقوى على جيش

منتي و بس لملامس ايدي عطشا

أنا و إنتي للتلاقي معاطيش

مني (أحبك) لا اضربت إذن طرشا

تخلق لها سمع ٍ قوي دون تشويش