رساله عاجله ما تحتمل في نشرها تأخير

باوصلها مثل ماهي وابيّن لك معانيها

بدايتها هلا والله حبيبي يا مساء الخير

عسى عمرك سعاده والسعاده فيك الاقيها

وأما بعد ياعمري شعوري لو وصفته غير

أحاسيسي حروف الابجديه ما توفيّها

أحبك كثر ما غرّد على غصن المحبه طير

واحبك كثر ما الدنيا تحدتني لياليها

واحبك كثر ما عيني تمنت تلتقيك عصير

واحبك كثر ما روحي نست تنسى مآسيها

واحبك ايه احبك ايه احبك مالها تفسير

سوى اني معك انسى الحياه بكل ما فيها

والى من غبت عن عيني تصير الهجس والتفكير

دموع الشوق تفضح لهفتي وان شفتك اخفيها

ختاماً يا حبيبي لا تأخر ما احتمل تأخير

ترى دنياي دونك يا حبيب الروح ما ابيها