النجوم استهانت بالقمر يوم غاب

والقمر لاحضر دايم تغيب النجوم

كيف مدري ولكن يوم تم النصاب

قلت اضحّي علشانه ببعض الهموم

يوم صبري على بعض المواضيع شاب

اشتريت التعب من دون حتى ما اسوم

جيت ابرضي غروري يوم زاد العذاب

شفت نفسي معلّق بين هاك الغيوم

السهر ما كسرني لكن الشمع ذاب

ابتسم لي وانا مالي بضحكه لزوم

لمت بعضي وبعضي ما يطيق العتاب

فارسٍ طاح من ظهر الكحيله يقوم

مابقى غير جسمٍ ما يشيل الثياب

لملم الصبر بسكاته وجاب العلوم

زخرف الحرف واثر الحرف وسط الكتاب

وسط وادي سحيق ونظرته للرجوم

قال هذي علشان القمر بس غاب

قلت خل القمر يظهر تغيب النجوم