خلي جروحك على بابي ونامي

وغمّضي صوتك ابغفى به واقوم

ما تعوّدت أصبح بحبك حرامي

لين شفتك فالسما مثل النجوم

صدقيني كثر ما تبرد عظامي

لا تذكرتك تناسيت الهموم

وانتِ اول نبض مدفون فكلامي

وانتِ اخر عشق يتساقط غيوم

يوم طاحت دمعتي ما كنت ظامي

كنت افكّر كيف مرّه كل يوم

خايف تنامين والعشق متنامي

كيف ابفطر وقتها أو كيف اصوم

والغرام اللي جمعنا حيل سامي

مغتسل بالطهر وانفاسه تشوم

خلي اهدابك على قلبي ونامي

كلها كم يوم وتزين العلوم