مرني صوتك على غفله وهمسك باشتياق

قلت يا قلب الخطا ذقهن وسيعات الطعون

كنت جالس في يد الحيره وخد الاحتراق

كنت واقف عن يمين الهم قدام الشجون

ذي سبايب غلطتك واليوم جا وقت الفراق

كنت غالي بس قدرك لازم بفعلك يهون

ايه يا قلب الخطا ما عاد للفرحه مذاق

الحزن غطى على حالي وشافته العيون

ياحبيبي والله ان البعد شيٍء ما يطاق

ووالله اني من عذابي واصلٍ حد الجنون

كل ما اذكر صوتك الدافي احس بأختناق

ودي اصرخ مثل قولة يا اكون او لا اكون

ياحبيبي طالبك تفتح لي ابواب الوفاق

وكان قصدك طعن قلبي انت يا قلبي تمون

بس تكفى لاتخليني ل خد الاحتراق

ادمح الزله تراني مت من كثر الطعون