بدون مجامله انتي لحالك والبنات لحال

تربعتي على عرش الجمال وصرتي لحالك

ولا به بنت تشبه لك بنات العم والا الخال

ولد عمك علشانك تمشكل مع ولد خالك

يبونك كل واحد قال يالله علّها لي فال

والى احدٍ قالها رديت فال الله ولا فالك

تحبيني وانا احبك سوى فالحل والترحال

معك من وين ما رحتي كأني اشبه ظلالك

احبك واعشقك واهواك ميت فيك دون جدال

وانا ادري انك تحبيني وحبي مشغلٍ بالك

صبرت اكثر من اللازم وصبري يا حياتي طال

ابي لحظة لقا تسمح واشوفك واكسب وصالك