مع الحزن والحرمان ومكابد الاهات

غفت عني الفرحه وانا ماغفت عيني

اعيش بحياتي مثل ميت مع الاموات

وجيتي كذا من دون ما اشعر واخذتيني

قلبتي موازين التعاسه كذا بسكات

تغيّر طعم دنياي واحلوّت سنيني

عرفت ان كل الحب قبلك فقط نزوات

لأنك حلفتي للزمن ما تخليني

وشعرت بسعاده ما سبق عشتها لحظات

وزادت بعد ماقلتي انك تحبيني

انا شفت غيرك بس انتي معك بالذات

شعرت بحنان وحب فيهم غمرتيني

وبناء على ما تم يؤمر بما هو آت

تكونين انتي حاكمة كل ما فيني

ويسقط نظام الحزن والهم والاهات

واسلمك مفتاح الاحاسيس بيديني