واشين حب الفراق واشين لوعاته
الله لايرحم الفرقا وطاريها
آواه من خلي اللي كثير غلطاته
عجزت أميز بعضها منه وأحصيها
اجمل عطايا الوقت بالدنيا صديق
اذا ذكرته تلحقه كلمة كفو
يفرح اذا تفرح وذا ضايق يضيق
وفي وقفته يغينك عن مية اخو
هنا تخنقني العبرة وانا اكتب يا رسول الله
على قبرك نسيت الناس حاقدها وحانيها
وابو قبر يتيه من الفخر بالبيد وتجله
على حسد تبين من سمايمها وصاليها
و يهناك الوفا قبر يضمك في ثرا تله
ما دامه بين فردوس الجنان وبين منشيها
وانا لامن ذكرت فراقك اللي في يدي غله
نسيت ان الليالي شيبتني من بلاويها
اغنم شبابك قبل تفنى تواليه
ماينفعك لاشبت كثر الندامه
من لاكسب صيته على اول خطاويه
ماهو بكاسبها ليوم القيامه
روّق ترى عمرك قصير وفاني
وشفيك ضايق لا تضايق.. روّق
اللي انكتب لك ما يروح لثاني
ربك يوسّع .. وانت غصب تضوّق
ياللي تركتيني أصارع همومي
حربٍ اخوضه دون تجهيز وإعداد
جاهدت فيك سنين .. صحوي ونومي
ضاع العمر مابين هقوات وإجهاد
لغير الله ما اشكي الحال
ولو ابقى العمر مهموم
ابد مايفيد ضيق البال
ما دام ان الالم مقسوم
مهما تطول إقامة الأدمي ضيف
لابد من يومٍ إركابه مقافي
اللي استسهل جرحك وخان الاحلام
امسح صوَرّه من ورق ذكرياتك
جرحك ان طال الوقت تشفيه الايام
اهم شيّ تكنْسله من حياتك
ترى الدنيا تزول وماعليها
وكل الخلق قافيها الزوالي
ولازال الامل بالله باقي
وبعده فيك املنا لايزالي
وشلون ابصبر كان شفتك مع الغير
وانا الذي عليك من نفسي اغار
درب الشرف مفهوم وأمشيه واعطيه
مع دروب جداني وابوي وخوالي
أبوي وصاني وجدي موصيه
على الشرف وانا بوصي عيالي
ماخلقت الا شقي ولا سعيدي
حطك الله بين نار و بين جنّه
ماعليك من القريّب و البعيدي
القريّب والبعيد يقربنّه
انت الحبيب وماضي الحب ولىَ
ما هو صحيح إن أول الحب صادق
كم من حبيبٍ عن حبيبه تخلىَ
هذا نسى حبه وهذا مفارق
وان ضاق صدرك بين همً وحاجه
لا تبدي اسرارك على غير ماثوق
اصبر وياتي للزمان انفراجه
والناس قالو كل مطرود ملحوق
صبري طويل وغيبتك هدّت الحال
عطني فرح عمري بشوفتك مرّة
ليتك تمر العين، وتفارق البال
حسدت بالي من كثر ما تمرّه
دام عمرك بين حين وبين حين..
والليالي تنحسب بالثانية.
من بعد ربك وبر الوالدين..
وش ورى هذي الحياه الفانيه
سجلت إسمك في سجلّ الوفيات
ضمن الذي من ( عين الأيام ) طاحوا
ماعاد تفرق راحت أو مابعد جات
دام المواجع بالطعون إستباحوا
يعني عشان إني أحبك تكبرّت
ماكنت أظن إنك تقّل إعتباري
والله إني من تصاريفك إحترت
بغيت أداري بس وشلون أداري
لا تشتكي من جور الايام للناس
ادفن همومك في ثرى الصمت كله
اسرار عمرك خلها تحت الانفاس
لا صار هراج القفا فاطن له