أجامل الناس والا وأكبر غبني
من واحد يدرج العالم بمدراجه
محابل السوء ماتحبل وتقضبني
لا والذي فضل محمد بمعراجه
كف تطالب وراء حق وتطلبني
فزعة ضحى مال و لاجاه ومواجه
احذر ضياع الوقت والوقت لا ضاع
ماتدركه لامن فرط منه ساعه
تلعب به الايام من بين الاصباع
مابين ريضة خاطرك واندفاعه
كم واحد ودك تدله ولاطاع
حتى يشوف الوقت ضره ولاعه
خليتني أشكي من البعد مهموم
لا العين مسروره ولا القلب مرتاح
وركبت لك قفل ٍ على القلب مختوم
بأسم المحبه وإنت للقلب مفتاح
من كثر صدماتي بناسً قريبين
قمت أتحرى صدمتي من أظلالي
كل مابديت أنسى وجيّه البعيدين
ذكرت لي مع ضيقة الوقت غالي
والصبر لو بابه على الناس مفتوح
فاحت قلوب الناس مسكٍ وعنبر
نمشي بدنيانا كذا جد ومزوح
وحنا نعرفها زين ماغير معبر
لاعاد ياقلبي على الناس تشره
لاصار حظّك فاكثر الناس مايل
يروح عشره منك ويجيك عشره
صَنعك من ايام الهوى والهوايل
خلك بعيد ان كان بالبعد راحه
يمكن تجي والوضع يزداد تأزيم
إطعن بقلبي .. كان تلقى مساحه
مبطي وانا عايش حياة المظاليم
بعض البشر طبعه مقدر ومحشوم وبعض البشر عيبً عليك إحترامه اللي ستر عيبه عن الناس بهدوم وش يستره لا صار عيبه كلامه
ياليت قلبي للحزن سد مارب
واهين حزني وسط الاضلاع واخفيه
طال الزمان وشان وجه التقارب
وبايامنا ضاعواْ المداوير في التيه
البخل طبع مستحيل علاجة
والجود طب لكل الأمراض وعلاج
جيت الرفيق اللي بشوش حجاجة
اللي بحزات الرخاء مثل هداج
ماهو ضروري كل حاقد أعاديه
ولاهو ضروري كل طيّب رفيقي
يا ما حلا الفنجال مع سيحة البال
في مجلسن ما فيه نفسه ثقيله
هذا ولد عم وهذا ولد خال
وهذا رفيق ما لقينا مثيله
أبليس والدنيا ونفسي والهوى
وكيف النجاة وكلهم أعدائي
إبليس يرمى بي لدرب مهونتي
والنفس ترمي بي على البلوائي
فإذا نهيت النفس عن درب الهوى
قامت تزايد دائماً قشرائي
احذر من الدنيا تغرك وتغراك
ولاتحسب انها على الكيف تعطيك
ولاتغرك يافتى كثر الاملاك
وشعاد لو تربح بكثرة مشاريك
كم فقير مات قدام الممات
موت بعض الناس خير من الحيات
ان بكن أو ما بكن النايحات
البكا خسران في بعض الهزيل
يا قلبي أصبر للمصايب والأحزان
جرح يروح وجرح يظهر مكانه
أمشي الضحكه مع فلان وفلان
وقلبي من اللوعات زاد خفقانه
وان كان تقدر لا طلب منك عازه
عطه الطلب تقدير لا يطوي الياس
واهم ميزه بالنفوس العزازه
والا ضعيف النفس ماهو على ساس
اللي يبي ذكره يخلد بدنياه
يبدي برجمٍ ماحدٍ قد بدا به
اما قصيدٍ يبهج الصدر معناه
و لا فعولٍ تستحق الكتابه
تحملت كل اللي يجيني من الغلطات
وانا قادرٍ ارد ف الصاع صاعيني
وتعودت لين الجسم والف على الطعنات
ورجيت العوض من عندي ربي يجازيني
دلل غلاي ورد راسك لشكواي
واسهر بعيني ليلة افراح عيدك
أبي السهر للصبح لا تقضب خطاي
رحلة عيوني بين خدك وجيدك