من حس في نقص نفسه عاتب أحبابه
ويعاتب الناس والنقصان في ذاته
ولو الخطا واضحن ماحسب أحسابه
مايشوف كبر الخطا من كبر شرهاته
واللي يتميدح بروحه لاتعزوابه
لوقال أنا الزير لاتغرك شجاعاته
الفقر فقر الدين و العمر ساعه
ما هو بفقر المال والاّ العلاقات
لا صار وقتك بين طاعه و طاعه
شطّب على دنيا الفنا و الملذات
تقول الله يطعني وانا اقول الله يسبق بي
جنوبي نثر همه على غيمة جنوبيه
أحس أني إذا قالت فديتك ياعرب ربي
تراقص بي جبال ابها مع الريح الشماليه
ترى الناس مثل الماء قراحٍ ومالح
به النبت نفل وغلقه وعراد
ومن الناس من يبدي لك النصح ظاهر
بعقل وميز وهرجة بركاد
وانحمّل زلات الصديج عشانـك
ونهوش بـك والظـن فيـك يميـل
والا نحـن لـي ما يعـال عليـنـا
و نكبّـر العيْـلات يــوم اتعـيـل
لا تَقُل أين ليالينا وقد كانت عِذابا
لا تَسَلني عن أمانينا وقد كانت سَرابا
إنَّني أَسدلت ُ فوق َ الأمس ِ سِترا ً وحِجابا
فتَحَمَّل مُرَّ هِجرانِكَ واستبق ِالعِتابا
صدق الزمن خداع والوقت حارف
والحب كذبه دون ايأت قيمه
صدر الدهر من جور الايام قارف
حتى ظلوع الصدر صارت خصيمه
ماجور يا قلبٍ غدى به زمانه
ما بين ناسٍ ما تعرف المواجيب
ياما وفا بالود وابدى حنانه
وياما تبدى للخبيثين بالطيب
وياما صلح ما بينهم بالرزانه
ليمن نطق قولٍ فلا فيه تكذيب
ماكنت أحسب أن الغلا ينحت الروح
حتى لمحتك وأنت تنحت بروحي
كنت احسب انك جرح يومين وتروح
وأبطى غلاك بداخلي لا يروحي
متى تقول فلان والله خسرته
لا طحت من عينه على شي تافه
ياما عليك اخطا ويا ما عذرته
فرقاه عيد وما عليه الحسافه
تخيب هقواتك مع الناس وتصيب
إلا مع الله ما تخيب الهقاوي
لا تنشغل بالوقت وأشياء الحياه
لا صرت مؤمن اعرف انها زايله
ياحظ من حافظ على أوقات الصلاه
ما مال دربه لو ،، حظوظه مايله !
لا تامن الدنيا ودورات الايام
لابد ماتشرب من ،، اللي سقيته
من قدم ،، الاحسان يلقاه قدام
دنياك يا ابن ادم على ،، ما بنيته
ماعاد باقي في حياتي موده
ولا عاد باقي بالزمن شي ارجيه
حلم ٍ كبير ورمح الاقدار هده
وقلب تحطم كيف تجبر هقاويه
مليت جزر الوقت مليت مده
مليت حتى ثوبي اللي انا فيه
انساك لحظة واذكرك باقي العام
حتى وانا ناسي نسيت وذكرتك
من كثرماحنيت لك شوق وهيام
اصبر عليك وياكثر ماصبرتك
الله من قلب سرى الليل مابات من شافني يقول حالك علامه بعد صلاتي للعشى عشر ساعات والعين ماذاقت لذايذ منامه قالوا علامك قلت لي غالياً مات وانا بلاي الي طواني هيامه
من كثر ما فينا أدب
من كثر ما فينا إحترام
نذبح الحي ونقول:
الضرب في الميت :حرام
للصمت في بعض المواضيع حكمه
وما للحكي في بعض الأحيان داعي
كم عالم ٍ عيا يكفية علمه
وكم جاهل ٍ قلبه مع الوقت واعي
بعض الكلام يصير للقلب لطمه
وبعض الكلام يصير للقلب ناعي
الاماكنت أحبك صرت أحبك
ولو لاك أنت مابي حد ثاني
مواني كل هالدنيا مراسي
ببحر الكون ياكل المواني
ان كان عمري مضي من دون خلاني
باقي حياتي بلاالمزيون وش هي له
لاجيت ابشكي لخلي يسكت لساني
ماغير دمعي على الخدين يشكي له