أخيراً القلب أستقر في جيّتك والحظّ  قام

من بعد رحلة عمْر في رجوى الحظوظ  الخايبه

جيتي على موعد لقا فَآخر محطّات الغرام

جيتي على نفس الطريق اللي محبّك سار به

جيتي وانا اشكي من هجير الوقْت يا وبْل الغمام

وأستمطرك قلبي محبه شكلت  سَحايبه

في غيبتك كنت الْمحك غيمه مع سربْ  الحمام

خيال يأتيني مع سرْب الحمام وطار به

في غيبتك كنت اكتبك بالنور في صفحة  ظلام

وأتخيّلك نجمه تضي وجه الليال الشاحبه

كنت ارسمك في صمت لوحه من تفاصيل الكلام

يلين صرتي جزء من روح القصيد  وكاتبه

شاعرْك ما عاش فْحياته في سلام وفي  وئام

إلاّ على وقْع المصاعب .. والحياة الصاخبه

جيتي وهو غارق فيّ الفوضى وعالق فِالزحامَ

جيتي تعيدين النظام لْقلب ضاق  بْصاحبه

يَاوّل محطَات الغرام واخر محطّات الغرام

في جيّتك ما عاد بسأل وين كنتي غايبه