زيف وشوه للحقايق شوه

ماعدت والله للمشاكل قاوي

وسو اللذي تبغي تسوي سوه

دامك على هجري وبعدي ناوي

يالبلوه الي مابعدها بلوه

مامثلها الى مشنقة عشماوي

مفروض ترحل دون ماتتفوه

يكفيك أن برج الثقه متهاوي

الخاين الي ينشرى بالرشوه

والله مايسوى بعيني ساوي

لو شب ضوه مايدفي ضوه

وبيته على اعروشه بيبقى خاوي

ياوجد حالي من حياة القسوه

وجد الرئيس المنتخب علاوي

ذي كل ماحاول يصفي جوه

يعكره ابو مصعب الزرقاوي

وأوووه على من هد حيلي اوووه

لاهو بوحداوي ولاعيناوي

يتحين ازعاجي بوقت الذروه

ولا يتبع الشعار الى غاوي

والحب مايخضع لمنطق قوه

لويمتلك بيلوجي او كيماوي

لأهل الهوى ابعث بطاقة دعوه

يتفضلو ويصححو لخطاوي

والمعترض مسموح يدلي دلوه

ماني بشاعر ليس الا هاوي