ياعيد ماعادت معي تفرق تجي ولا تروح

وش الجديد؟ الي يسر الحال يالعيد السعيد

عام أشتكي لك من جروح والعام ذا نفس الجروح

وأن كان ماعندك جديد لاتقترب خلك بعيد

مادام أشوف أن الوسايل ((عيب)) والمقصد شحوح

بقوم وأذبح غايتي من الوريد الى الوريد

ومادام محد يستمع الأسرار لو قررت أبوح

بحط من دون الصدر ياعيد بوابة حديد

الوقت مايحفظ صروح الا يهد أعرق صروح

وانا ضحية (علمنة) نظام عالمنا الجديد

تعبت وينك يا(أمل) وضقت وينك ماتلوح

ماتشوفني من كم سنه واقف على دربك وحيد

حتى طموح الشاعر المجنون ماعادت طموح

يحس كن الناس ماتقراء ولاتسمع قصيد