يا ملتقى عالم الإبداع والشهره

من ملتقاكم نذيع أخبار حصريه

اخبار يطغى عليها الرمز والشفره

لو كان ماهي بمعلومات سريه

بس المهم يغني الموجز عن النشره

مع تفاصيل صوتيه ومقريه

ياملتقى أهل الطرب والرقص والسهره

يكفي عبث بس بعقول الصغاريه

الحريه وين وأنتم وين ياحسره

يلي تصيحون بأعلى الصوت حريه

ياأفة العصر يالجرثومه الخطره

لي تنقل امراض روحيه وفكريه

عديمي احساس ولأخلاق مندثره

عرب في الشكل بس اقلوب عبريه

وعيد راس السنه تباركو ذكره

وتجهلون أي عام الأن هجريه

مالومكم والفضائيات منتشره

في بيوتنا تنقل الحفلات فوريه

وأعلامنا ذي تناسى مقتل الدره

يتابع اخبار عدويه وماريه

اشره عليكم حشى والله مابشره

اشره على أصحاب الأفكار التجاريه

سؤال للمخرج المنبوذ والنكره

لي علم البنت ترقص شبه عاريه

اشلون يخدم بلاده هز من خصره

أن ماخدمها بباروده وشبريه

يالعنبوها مجله تطري لذكره

ولعنبو جدها موضات عصريه

اجيال ضاعت وضاع المجتمع باسره

وانا بطالب بوضع احلول جذريه

مطلوب وقفه تصد الهجمه القذره

بقوة احكام قسريه وقهريه

وارجع وأكرر عتب مره وراء مره

أعتب على أصحاب الأفكار التجاريه