ياماحلا عشرين شاعر قالها ياماحلا

ياماحلا كذا كذا بأقوالهم متفائلين

وانا بعد بااقولها لوكان قلبي ماسلى

يامحلا خوة رجالاً طيبين وغانمين

الي بهم دوم افتخر وأعلن على كل الملا

وأعرض عن اشباه الرجال المغرضين الحاقدين

اهل البسيطه تشترك في النار والماء والكلا

وناس لو شي في يديهم ماعطونا الكسجين

الي بوجهي جاملوني ياهلا والله هلا

وأن غبت عنهم يطعنون الظهر بالحكي المشين

كلمة عتب يهل التطبل في شوارع كربلا

ماتدركون أن كل مسلم يفتدي دم الحسين؟

وانا من الي مجدهم لين الثرياء اعتلى

رجال ماتخضع سوى لله رب العالمين

والهاجس الي هدني هيا ارحلا قوم ارحلا

ماودي ارحل من سكوني وأرجع بخفي حنين

هذي رساله صغتها عبر القوافي وانجلا

عن خاطري هم ن كبير وفوق ماتتصورين

الا هنا وبغلق الموضوع يا(همسة غلا)

من قبل لخرج عن نطاق التغطيه والصبر زين

واخوك لامن ضاق صدره بالمشاكل وابتلى

وجاه ضغط السكري يكتب قصيده (أونسلين)

وأقول لا وارجع وأكرر لا ولا

والف لامايلدغ المؤمن ابد من جحر واحد مرتين