تْرَكتك بعصر العمر يا امي
وحطيت في وجهي الدني وفليت
تعبان ومحَسر على شَميِ
من أرض فيها خلقت وتربيت
وهاجرتها وفيها تركت امي
***
تركتك ياامي من تنعشر عام
وحامل التشريد والآلام
محزم على كتافي شقا الأيام
وحامل بقلبي همك وهَمي
وبطلب رضاكي وبس ياامي
***
اشتقنا وحن البيت للسكان
والشوق فينا غالب النسيان
بكرا السما بتحن عاالإنسان
وبرجع أنا وخيي وابن عمي
ونرجع نضوي البيت ياامي
***
الأم
ساعة ياابني ماتركت الدار
ضاع الهنا والفقر فينا جار
ولو فيك تقشع بيك الختيار
قديش عم يزرع رجا ودموع
مطرح ما كنت تنام ياامي
***
عود يا ابني كفا هجران
ولا تترك المركب بلا قبطان
عود حتى نحرر الأوطان
انت وانا منكوِّن الأمه
ومنرجّع المسلوب ياامي
***
الولد
جينا يا امي جينا
اعتزي وقومي لاقينا
جينا من بعد الهجران
نرد المركب عالمينا