ماعاد هناك ربيع خسارة ذبل م الدوس والتقطيع ربيع العرب ... ماعاد هناك ربيع *** بيه افرحنا وفرج علينا ربنا وارتحنا وقلنا خلاص خلاص توة نحنا اصبحنا احرار الوطن للجميع خذينا بعضنا حضن واصافحنا وعليه اتفقنا الدين للتشريع وللعالم حقيقة وضعنا وضحنا وعلى وضع مزرى للبلاد فضيع طارت النشوة وين ما صحصحنا كان حلم وردى ماحسبت يضيع سفكنا الدم وخطف واذابحنا وزاد ظلم ع الاول وظلم شنيع امسينا عليه القهر واصبحنا اسلاح منتشر للحقد والترويع تسمع على تفجير والا طحنا والا ثار صاير حرق واتقربيع خذينا عليه الدم توة رحنا اليوم فى بعضنا انقطعوا تقطيع بات همنا مالمال ايش اربحنا وبلادنا عرضنا كلها للبيع ماعاد هناك ربيع ..... خسارة ذبل م الدوس والتقطيع ربيع العرب ... ماعاد هناك ربيع
القاسم السحاتي هو شاعر عربي كبير وأديب من ليبيا
عمل في:
مشرف الصفحة التراثية فى صحيفة الاحوال الليبيه المتوقفه حالياً
مراسل صحفى متعاون مع صحيفة اخبار بنغازى
عضو سابقاً فى فرقة انصار المسرح ...
