كم قبر في قلبي اللي محفور
ومازال ينبض لو كان فيه مقابر
كم قبر في قلبي جديد وغابر
ما قدرت ننساهم ولكن صابر
في القلب ندفنهم ونا مقهور
افراقهم يحز النفس ماهو عابر
لا ينتسوا في يوم لا في شهور
وفيهم اللي لا تو غير انكابر
جرحا ما يبدد بالنزيف ايفور
اصحاب المواقف يقطعوا فالدابر
اللي يشهدوا بالحق مش بالزور
ايجوا كيفهم لا ريت لاني خابر
لا فيه ماظني ولا صيو
مامن حي اساع ندفنه وانقول نا من لي
واندير عزا يربخ وانصفق دي
علي من دفنته ولدفنته مجبور
حتى ان كان خايني يعز علي
اندير مقبرته بي باب وسور
واندير له ذكرى ونشعل ضي
وبيدي على قبره انحط ازهور
افداه من فقدته وقاعد حي
كم سطر نعي اندير للمذكور
نلقان فقدته غالي امأثر في
انسجل على قبره نصيب اسطور
ونقبل تعازي من اصحاب اتجي
ايقولوا خذا سوك وكون صبور
وما عاد شكله يشكل شي
امغير هي الصورة ونعيها منشور
***
لو في القلوب قبور
كم قبر في قلبي اللي محفور
ومازال ينبض