تسألهم عن احوالي ورقمي داخل الجوال

ياخي كلف على نفسك وطرش لو رسالة لوم

ابي تعتب ابي تشرة ابي تسأل عن الاحوال

ابي تطري غلا منهو تظل بخافقه وتدوم

حرام تشمت العالم تبين منقطع الوصال

حرام تحطم احساس الخفوق المنتهي المعدوم

تعرف الفال طشيته لجل اعرف علوم الفال

خفوقي يحتضر شوقه صفا من موتته محروم

قريت الكف واستحوذ على فكري عليم الجال

من عيوني درا اني اعيش وعالمي محروم

تعال ولا تراسلهم اذا تبغئ يزين الحال

ترئ رقمي علئ حاله وشانت في هواي علوم

تعال اخبرك شاللي يقوله عنك الدجال

يقول انك مثل غيرك تصوب بالغرام سهوم

يقول تخون وتسافر وكل يوم(ن) ولك موال

وقلبك صار فلينه علئ كل البنات يعوم

يقول انك ورئ قلبي تمثل بالهوئ محتال

يقول انك عييت انك عن علوم البنات تصوم

تكشخ لي تسنع لي تظن انه وراي خبال

تسبح بالعطر دايم وتنسف غترتك وتقوم

تعرف اشلون تعجبني وحبك داخلي قتال

تعرف الطيب فصدري تعرف المسك واليشموم

تعرف النور والنويير يعرف انك كريم خصال

واحبك يابني ادم ولو كان الغدر محتوم

انا ماشوف لاعمي ولا حتئ اشوف الخال

اشوف عيونك قبالي واضحك عالمي المهوم

اشوف كثير من حولي ولا غيرك قوئ رجال

يزلزل هامة سكون الخفوق المنهي المعدوم

تسألهم عن احوالي ورقمي داخل الجوال

ياخي كلف على نفسك وطرش لو رسالة لوم