مِزاجية تتقلبي من حال إلْ حال

ميزانك ماهوش ثابتّ

مرة نسمة  طايرة همة وادلال

عذبة بالزهدة وفاتتّ

وشي مرة تتحولي غولة. واهوال

تسيْحب في واد ساكتّ

تكركر في قشقاش امزبد وارمال

عودة مربوطة وشافتّ

شي حاجة قدامها واللا. خيِّال

اتقطع لحبال راحتّ  

وتتبدل حكمة في فكر العُقال

وفي لحظة تعود جاحت

مرة وعلة. جاية. في. سرب أوعال

ومرة دندة قول GاGت

مرة تسكت عاصفة قبل. الزلزال

ومرة خطيفة وخافت

مرة بسمة تهدن الخاطر. وجمال

ومرة كشة شين فايتّ

مرة فرحة ساكنة.  وردة بكمال

ومرة يالطيف ناضتّ

قبارة امخلطة هايج. لجمال

ايرغوي مريوح هايتْ

ومرة لحن وجايبو عازف موال

نوتة تذبح وين ماحتّ

سحر يخلخل داخلي ويهز جبال

جانية  ببخور فاحتّ

 راني نساعف مزالني نصبر وشحال

ونسايس فيها وصامتّ

ميزاجية ريحها غربي.  واشمال

ونا من طبعي نخافتّ

نعطيها على ريحها حتى تعقال

ونديها حبي الساكتّ