حتى  لقيتْ  روحي  كاتمة  تنهادي

والقلب  طايرْ  ليك  يا ودّادي

وطيفكْ  ديما  فوقْ  فكري  غادي  

ومراتْ  أنجيكْ  ثمَة  عادي  

خيالي ها  إيْهزني  ونْادي  

لاتمنعْ   لاحدود  لا شدّدادي  

أتجيني  وأنجيكْ  يا مُرادي

ونحكيلكْ لشواق   جمرْ ارْماديْ

ونسّمْع  لحكايتكْ وعْنأدي  

وجنونكْ  وجنونْ هتْهتْ   صادي

وهمس حديثْ حنين يذبحْ هادي

حتى  عطركْ شامو   يا  زادي

نا  شاعرْ  مجنون  ساكنْ وادي

مهبول و لكلام غيث أرْعادي  

وُّ صادقْ ف  الحبْ يا  تُورادي  

يا  تفاحْ  الروح  قمحْ  احْصاديْ

أعشقتكْ وأنقولها  مُرادي  

انشوفكْ  في كفْ روحي  نادي

أنتِ عندي  المال يا تعمادي

وأنتِ ليا  دنتي   وولادي  

انت  نايا وقوتي  وزنادي  

ما نبدلكْ   بموالْ  بن حمادي