عقلي شايشْ موش قادر يستوْعبْ

هاذ الأمة كفاه جا منها رسوولْ ؟

حافْ الفكرْ وما لقيتشْ من صوّبْ

ويقولي كيفاه في مخي مذهوولْ

نورْ الرحمّة سيدنا جا بالموْجبْ

وهاذ الأمة غارقّة في بحرْ الهوولْ

علاه آربي ما قدرتشْ متْكهربْ

هاذ الامة تولدْ النابي المكموول ؟

مافيها يا خالقي لاما يعجبْ

ويناسبها يكون منها بنْ سالوولْ

كلشْ فيها ظْلام أسودْ متركبْ

دنيا كحْلة . يا خالقي والدمْ سيّوولْ

وين الرحمة وين فيها لمْرتبْ؟

وين الرأفّة . هاوين فيها للمعقوولْ ؟

دمْ يشالي دمْ والنور مضبْبْ

والتاريخْ آسامعي بالحرفْ يقوول ْ

هاذا داحس و ذيك الغبرا تغلبْ

وهاذيك الباسوس بركتْ وسط سبوولْ

هاذي حرب وذيكْ احْروبْ أتشيبْ

وهاذي قصة ما يفعلهاش الغوولْ

يدفنْ ولدو حيْ ف التربَّة يندبْ

وفي هاذي يا خالقي لجبالْ اتزوولْ

ذا يقتلْ باباه بالسيفْ يرهبْ

وذا يقتلْ يماه ويعضْ البزوول ْ

ومنّ السقيفَة تهولتْ ها مات الحبْ

راح مع الرسول وغْمرها مجهوولْ

ذاك يصلي مع عليّ صلاتو تعجبْ

ومع أميّة ياكل طعام المعسوول

هذا مع عومارْ ذاكْ مع مصعبْ

وذاك مع الحسينْ والأم الباتوول

هاذْ الأمة إسمها أمةْ لعربْ

حايرْ فكري كفاه منها ذ المرسول ْ ؟

محمدْ زينْ الرسالَة والطيبْ

 الأمينْ وصاحبْ الدينْ المجْموولْ