حرفْ أمعرّق جابتو زينَة وحْكاتْ
فـ الْعشّاق إللي عشقّ عيطة حالا
ها قالتْ بدّالْ يلعبْ بالكلماتْ
قالتْ شاعر وعوايدو ها يتْسلا
عشّاقْ وملالْ ها يلعب ْ بهّاتْ
فهمتْ حديثْ وجابتو عذبْ غزالة
هاذا بو قلبين سماتو وأعطاتْ
أوصافو راه تحذرْ ف الزّلا
ماني عارفْ لا ناسيَة واللْ اتنساتْ
واشْ السبَة إللي دارتو في ذالْحالة
متأكدْ طعنَة قولي ذي طعناتْ
غدر حبيبَة واللا حمامَة تتعلا
هاذي غدرتْ ذيكْ راحتْ ما ولاتْ
واشْ يصبّرْ قلبْ في جمرْ الملّة
غير جَّري مع سرابْ الأمنياتْ
عطرْ حبيبة شامو في ذ الطفلة
أيطاردْ خيالها ف الْممحوناتْ
وبسّْمتها وميعادها ذيك الفلّة
ها يلقى تفكيرها يحلمْ هيهاتْ
ويتمنى لوكان حبو يتْجلا
في إيناس الزيّن وموايرْ حكمات
وفي فريدة هولْ نعيمَة محْلا
في حكيمة حبْ أمعاني بالذاتْ
والمتموم الكلّ سرقتْ جميلة
حتى ربي داهم ياسر محنّاتْ
فجنَة مادرا وحدة تتْولا
أميرة اعْطالها ياسر صيفات
وفرّقها وعْلاتْ أحمامْ وحجلة .
لجنَّة ربي دّار فيها حورياتْ
لاه أنتيا تكوني عل ْ حبْ بخيلَة .
ذاك الشاعر خليهْ يعشق في لبنات
شّاعر في لبنات ماعندو حيلَة