مستفزة وما  قدرت  انقرب  ليك

ونتلهوث  في  مشيتي  قرب خيالك

نتخيلني شحال  مرة قلت   انجيك

ونحكيلك  عن  حالتي يا ما ذالك  

عندك مدة شاغلة  تفكري بيك

منذ  ذاك  اليوم صدفة واقبالك  

شفتْ  قصيدة هابلَة سكنتْ عينيك

وسمعت اصّمت اللي مكّحل لنْْجالك

همس  بقلبك  ياختى هارب  مديك

وحنّانةّ  حضور والعلم  أعطاالك

وخافتْ صوتك مع  الآثير  أمواتيك

معاك  أنتيا حتى  الموجَة تنْدالكْ

أعْذوبة ذا خالقي  ذوبها  فيك  

والقدّ  المياس عدّل  واهدالكْ

الشيّاكة بنتْ  عمي جات  أعليك

والسطوة  قيّاد وجيوش أهوالك

وهادي طبعك طابعك والبسمة ذيك

سحر  الشرق  بهندها والممالك

رومانسية ومقلقة والثورة  بيك

والرحمة والود والزهو أحلالكْ

هايب قربك دايرك نجمة  نشتيك

خايف  حبك وحاب منك وأنالكْ

أوُخية وحْبيْبَة قلبي  باغيكْ

وصّْدييقَة وصحيْبَة قولي  مالكْ

أنقربْ  واللا نبعد من  يدّيكْ

رجفة فيهم ويزيد نبضي يرجالكْ  

ها  لمِّيني راني  مشتت ماذابيك

واللا  خليني قصيدة في  بالكْ

كاتم سري  ما نقرب ما  نخطيك  

بين  النّْار  ونار حياة نسالك