حاب انسلم على عيونك ألفن عام

وهاني عارف بوست العين تفرق

مشتاقك انقولها والكذب احرام

اكثر مني. موحال كاين من يعشق

حبي. ليك. اوهام تسري في لحلام

حاجة من خيال فوقن تتصدق

ما درسوها. في قوانين. الإجرام

ما وجدوها. في قصايد تتمعشق

لا يفسر تراجيديا ضحكة وافلام

والل دراما في حكاية تترقق

انا حبي ليك. فات على لصنام

هدم قلبي. شتت حباب. وفرق

انا حبي ليك فكرة بين توام

عاشو في لبعاد والحس اتحقق

انا حبي ليك ذكرى في لرسام

ومسحة في لطلال تاريخ تشقق

لا يمثل حب سجدة من. إمام

في محراب الله بالدمعة يشهق

ما نعرفش انوصفو حبي بكلام

فاق اللي قالوه ها ما يتصدق

شي غريب وساكن.لوان الرسام

يناغي في لوحة بالعين يحملق

ما فسر مكنونها ناقد فهام

ما رتب تعدادها علم المنطق

انا حبي ليك. عثرة في ليام

شعب من التاتار بالنار اتحررق

ها حاجة وخداخرا كتبت لقلام

على ورقة لحزان بسكات اتفتق

انا حبي ليك فررة م لحمام

بعد اللمة سربهم طار تفررق

انا حبي ليك همة. من صداام

اقهر حبل الموت بالبسمة يشنق

انا حبي. ليك اخضورة واحطام

ساكن حفنت قمح ومياه اتدفق

انا حبي ليك شاعر وسط غرام

خانو حرفو ما عرف كيف ينمق

قصيدت سحر امعطرة فاقت لنظام

جابتها سعاااد والكل يصفق

انا حبي ليك ما يعرفش. اتمام

ديما يتجدد ديمة ييدفق

انا حبي ليك صرخة وسط ظلام

خيط الفجر وقطع الليل وشّرق

حبي ليك مايقابلو عد. السوام

عبار الدنيا حبي عليه ويتفوق

وردة روحي انا العاشق ما يتلام

انا هبال الموج ع الصخر تمزق

انحبك يافرحتي ويلي ولطام

على خدي اذا المكتوب إفرق

لا تخطيني يا روح روحي والصمام

في قلبي انت الدم. المتفرق

في جسدي وانتي حياتي يا لوهام

يا وسواسي ولذتي فيا تحرق

نازف حبي عارك الليل ولحلام

وناحت حرفي ليك بالموت ونعشق