مات  الشاعر والندّاب كثير أعليه

فاقولو  بعد  الحياة  الْويداحة

جبدو للقرداش وحروفا ترثيه  

دموع  التماسيح  تقطر  جرّاحة

وهذاك  المسيول  أتعمد  ناسيه

ف حياتو حقروه شاعر ف الساحة

كان  مهمش ف الحياة ولعبو  بيه  

مات  بقنطة  والدواخل  ذبّاحة

واليوم  هاهو مات ظهرو  لمواليه

عزاية وجيوش تكّشْدرْ وحواحة  

راح  الشاعر قولهم كذّابَة هيهْ

نوفاقة ركبوا الموجة نوّاحة

الله الله في  حياتو  ومساميه  

ها  قولولي  وين كنتو مدّاحة

كان  يقاسي كلشي والو لاقيه

حت  أدواه  بديّن قسوة وقساحة

عاش  يعاني  قربكم وانتم  إلْهيه

وسط  مكاتب على  كرّاسا  دوّاحة

أمهمش قدامكم  والضحكْ  أعليه  

بهلول وقوال عنو  قدّاحة

ها  قولولي   لاه  أطوالو  رجيله

بعد  الموت يبان  فحلْ  الفصّاحَة

والله ِ ماتحشمو ياقوم  التيه  

جبدتولو  عرجون كِ مات براحة