تياموو سكتت وريحةالموت اتزكم

الكل محطم ما بقى غي طير الشوم

لا. زينات ولا قصايد تتبسم

الكل مكتف  وكلنا ف الحزن يعوم

البشرية كلها . تلعق. في الهم

الموتى. بالآلاف تنزف بالمتموم   

ودمع يسح على الخلقا. تتألم

ودمع المرضى يهدم الفكر المقسوم

الكل. نسى ليلاه. لا خالة. لاعم

حت على باباه و لحنينة  مفطوم

تسكر بيت الحق والصوت اتبكم

لا كنيسة. لاجوامع للقيوم.

حزن يرادف حزن والكل. اتكمم

كلش باهت حتى اللون اللي مرسوم

كلش عاجز ما لقى. واش يقدم

الموت الكحلة في السما. ولات تحوم

تخطف بالعرام تفجع. واتعدم

موت الموت وجايا تذبح ف. القوم

ماتخلي إللي وموحد. والمجرم

لا فاجر  واللي بكى في شهر الصوم

المهم تدي حياة. وما. ترحم

والإنسان تشربو كيسان. سموم

استغفرالله حرفي. يتلطم

علاه. آربي خلقتنا من طين حموم

فززاعين وارواح فينا تتألم

واش ايصبر. مفارق احبابو مكلوم