حبيبي:ياحبيبي:غاب هملول الوصل وَاجْدَبْت
دخيلك بِلّ ريقي قبل أموت من الْوَلَهْ ظامي
وآنا اللَي يوم دِيْمَكْ يمطر ارضي مِنْ كِثِرّ:مااعْشَبْت
تِكَاثَرْت الربيع بواقعي وأهديت لاحلامي
وفجأه غبت:ياغيث الشعور وبالغياب أسهبت
وأنا أتخيّل سحابك كل يوم يمرّ قدامي
وأَبَشِّرّ فيه قطعان المشاعر وانت ماقرّبت
على رَجَوى رذاذٍ من غمامك يِسْقِي هيامي
وأعزي فيك نفسي لاَعَرَفْت انّك رحلت وغبت
وبِكَت عين الحقيقة وأضحكت لي كذبة أوهامي
صبرت وطال صبري وأنولد سبت وتوفى سبت
وكمّ مِنْ سبت راح وما لِقِيْتِك داخل أيامي
صحيح الصبر طيّب:بس آنا من عِلِّتِي مَاطِبْت
صُبَرْت وما جنيت إلاّ الأسى من نخلة ألامي
أنا ضعت أفْ(غيابك) وأندمرت ورغم ذا ماتبت
مِشَيْتَكْ درب وان طال السفر مَامَلّت أقدامي
أَعَرْف انَك خَطَايْ وذنبي الخالد وأقول أذنبت
وَلاَ دوّرت توبة ياغلاي ومصدر الهامي
تِعِبْت أذرف لك دموعي قصايد يالغلا وأتْعَبْت
خدود أوراقي اللي غَرِّقَتْها ديمة أقلامي
وآنا مابين سندان الجفاف ومطرقة هالكبت
زَهَدْت بكل شيّ وبَرْد هَجْرَكْ ينخرعظامي
خطاي أنّي أحبك:كِثرْ مافي غِيْبِتَكْ عَذّبت
عيونٍ من غيابك كل ليله دمعها زامي
أحبك كثر كُرْهِي للفراق وكثُرْ:مَاغَيَّببْت
عن الوعي بغيابك ياسبايب جرحي الدامي
أحبّك:وابقى احبّك واستمرّ اهواك لو سَبّبْت
شقا روحٍ لفقدك في ثراها الشوق متنامي
حَسَبْت لكلّ شيء (إلاّ الُفُراق أصْدَقْك)ماَحَسَّبْت
ولاَ فَكّرت فيه:وثَارَتْ البندق على الرامي