راحت على البلاد الاجنبيه صبيه بعمر زهره مستحيه وشذاها بعد منها ما توزع ولا مره على نسمه طريه راحت على ارض اله ومصنع ما فيها عطر فيها بس فيه كيف بثيابها لما بتجمع باخر اليوم وعشيه نقَلها بكلمه ما تطلع وين بتوصلي بكرا عشيه اخذها حظها وراحت تتقشع بعريس الغرب عيشتها الهنيه لقت هالشب مولع بطريق مخدرات جهنميه تصارت وحدها من دون مرجع تسأل وين هو ووين هي لا فيها على بلادها ترجع ولا فيها تسير على درب الخطيه اذا قالت يااختي تصير تدمع ودمع على دمع تسأل وين خيي واذا قالت يا امي قلب تشلع وروح تروح لو قالت يا بيي انا ما قلت صرنا بفرد موقع وكل الناس بالغلطه سويه عنا مهاجرين بكل موضع مشاعيل الكرامه العائليه بس المشكله اللي منها منفزع الشباب الهاي والباي الفتيه نسوا عاداتنا اللي فيها منطمع نسوا الارض ونسوا اول هويه من هيك اسمعي والام تسمع يا بنتي لا تروحي ضحيه عيشي بعيلتك على عرق نعنع بضيعه بريحه الزعتر غنيه ومهما كان هالشب المدلع شب من الشباب الاشبهيه اذا بروح مثلو رح بيرجع واذا عذريتك بتروح منك ما بتعود ترجع يا صبيه
طليع حمدان: شاعر لبناني ولد في قرية عين عنوب في جبل لبنان عام 1944.
يُعرف بـ"أبو شادي"و"شاعر المنبرين"، نظراً لتميزه في الشعر الزجلي والشعبي.
غنى بمواضيع متنوعة، من مواضيع اجتماعية وقومية إلى ...
