الديوان
الرئيسية
القصائد
حسب الموضوع
حسب القافية
الاقتباسات
موضوعات الاقتباس
جميع الاقتباسات
الشعراء والمؤلفون
شعراء الدول
شعراء
شاعرات
جميع الشعراء والمؤلفين
الديوان
»
السعودية
»
فيصل الوعيلي
»
نداء سجين
تمت الاضافة إلى المفضلة
تم الاعجاب بالقصيدة
تم إلغاء الاعجاب بالقصيدة
عدد الابيات : 24
طباعة
بديت باسم الله علاّم ماكان
الواحد المعبود ربْ الجلالي
الخالق البارئ ورزاق الانسان
ربٍ عليه الرزق والاتكالي
من بعد هذا ببدع الشعر قيفان
وبرتب الفكره بيوتٍ إجزالي
همٍ بقلبي شايله قدله أزمان
وأكتم همومي والفرح ما طرالي
بسّطر همومي وبنخى بليهان
اللي يشيل الحمل شيل الجمالي
أنخى ملكنا راعي القدر والشان
واطلبه بالله يستمع في مقالي
رجلٍ خلقه الله احاسيس وإيمان
رجلٍ خلقه الله لشل الثقالي
رجلٍ يشوف الشعب في عينه أخوان
لافرق بين المشرقي والشمالي
رجلٍ علومه كلها فعل الاحسان
والكايدات تصير عنده إسهالي
ساس الفخر والعز والعلم نيشان
طيبه مع عطفه يهد الجبالي
هذا ملكنا مثل همال الامزان
عشنا بظله نرتقي كل عالي
وانخى ولي عهده وعزه إكحيلان
اللي فعوله شامخاتٍ طوالي
لامن نطقت اسمه يجي الغيم هتان
رجلٍ رقى بالمملكه في العلالي
سلطان ياسلطان سلطان سلطان
كررتها والطيب جاله مجالي
انخاك ياسلطان ياطير حوران
يالقرم يالحلحيل حامي التوالي
في عفو يشلمنا مساجين نجران
ونفرح وندله عن صّدوف الليالي
أولادنا مابين ضيمٍ وحقران
وهمومنا صارت كبارٍ إجلالي
والورده اللي ذابله وسط بستان
كلٍ دعسها ضيم ياوجد حالي
إمن اول أسقيها وَنَاظر بالاعيان
مطلاعها والشوق غطى خيالي
والعيد قرب نحلم بشوف شيبان
ونحلم بشوف عيالنا والاهالي
قلها يابو متعب تصاريح وإعلان
عفوٍ ٍيجمع كل غالي بغالي
وإطلق سراح اللي به هموم وأحزان
شفقٍ على بيته وشوف العيالي
وشفقٍ على شوفة عجوزه و ولهان
وشفقٍ على ربعه وزايد هبالي
وختامها صلو عدد مالقمر بان
على النبي وعداد وبل المخالي
نبذة عن القصيدة
قصائد عامه
عموديه
قافية الياء (ي)
الصفحة التالية
حروف الحب
المساهمات
معلومات عن فيصل الوعيلي
فيصل الوعيلي
السعودية
poet-faisal-alawili@
15
قصيدة
الشاعر فيصل الوعيلي من نجران, المملكة العربية السعودية شاعر شعبي يتميز شعرة ببساطة لغته وسهولة إيقاعه.
المزيد عن فيصل الوعيلي
تصفح ايضا
عوض بن فرج القوانه
poet-awad-algonah@
فهد عافت
poet-Fahad-Afet@
أقراء ايضا ل فيصل الوعيلي :
يخت الغرام
اترك هزال القول
العولمة جديدة
حي سواة الميتين
نداء سجين
أضف شرح او معلومة
أضف معلومة او شرح
حفظ
الرئيسية
شعراء الدول
موضوعات القصيدة
القوافي الشعرية
الإقتباسات الشعرية
الشعراء والمؤلفون